⚜️विद्याधन मूल्यशिक्षण⚜️
⚜️खालील ओळींतून जाणवणारे शैक्षणिक मूल्य ओळखा.
⚜️उत्तरसूची⚜️
१) हा देश माझा, मी देशाचा,
स्वाभिमान ठेवू मनी,
सण राष्ट्रीय करू साजरे,
गाऊ वीरांची गाणी..
उत्तर:- राष्ट्रभक्ती
२) धर्म तुझा, धर्म माझा,
दोन्ही आहेत महान,
मैत्री करू, आदर राखू,
गाऊ ऐक्याचे गान.
उत्तर:- सर्वधर्मसहिष्णुता
३) करितो जे काम, दिसो त्यात गान,
यावे सकळां, स्वच्छतेचे भान.
उत्तर:- श्रमप्रतिष्ठा
४) दादा असो वा ताई,
बाबा असोत वा आई,
संधी कोणतीही असो,
भेदभाव मुळीच नाही.
उत्तर:- स्त्री-पुरुष समानता
५) लोकगीते सांगतात,
महती आपुल्या प्रांताची,
संकटकाळी धावून जाता,
घडे प्रचिती एकात्मतेची.
उत्तर:- राष्ट्रीय एकात्मता
६) प्रगती करूया देशाची,
कास धरूनी विज्ञाढनाची,
सकारात्मक दृष्टी ठेवून,
निर्मिती करूया साहित्याची
उत्तर:- वैज्ञानिक दृष्टिकोन
७) हाक मारी जो संकटी,
हात त्याला दे तुझ रें,
खरी सेवा हीच आहे,
नेत्री आसू दाटू दे रे.
उत्तर:- संवेदनशीलता
८) नम्रतेने ज्ञानाचा
आरंभ, गर्वाने शेवट होई,
समानतेने सहकार्याने,
सदाचाराने करू शिष्टाई.
उत्तर:- सौजन्यशीलता
९) गेलेली वेळ, आलेली संधी,
पुन्हा पुन्हा येत नाही,
सचोटी अन् नियोजनाशिवाय,
यश कधीही मिळत नाही
उत्तर:- वक्तशीरपणा
१०) चित्रे काढू, चित्रे रंगवू,
नाही कामे ही उगाची,
सुंदर लिहू, सुंदर होऊ,
पूर्वतयारी ही लिहिण्याची.
उत्तर:- नीटनेटकेपणा
================================
⚜️संकलक⚜️
श्री. बबन मोहन औटी.
पदवीधर प्राथमिक शिक्षक
जि.प.प्राथ. शाळा जांभळी,
केंद्र - सडे, ता. राहुरी. जि.अहमदनगर
📞 9421334421
https://babanauti16.blogspot.com
https://t.me/ABM4421
=================================