⚜️देव दयेचा अथांग सागर⚜️
देव दयेचा अथांग सागर,
विश्वचि मानी तो अपुले घर ।।धृ।।
मेघ घटातुनी जल तो ओती,
मातीतून तो पिकवी मोती,
अवघे जीवन त्याच्या हाती,
नांव तयाचे कणा-कणावर ।।१।।
आईरूपे माया करितो,
पिता होऊनी सदा रक्षितो,
गुरु स्वरूपे ज्ञान शिकवितो,
तिन्ही जगाचा तो जगदीश्वर ॥२॥
राम होऊनी वचन पाळितो,
कृष्णमुखाने गीता कथितो,
बुद्ध होऊनी शांती निर्मितो,
अनंतरूपे एकच ईश्वर ॥३॥
प्रार्थना ऐकण्यासाठी खालील चित्रावर क्लिक करा.
