⚜️आमचा बाळू⚜️
शाळेत नाही जाणार येतं मला रडू
आई मला शाळेत नको ना गं धाडू
मुसमुसत बोललं कोण हळूहळू ?
दुसरं कोण असणार, हा तर आमचा बाळू!
आई मग म्हणाली, 'शहाणा माझा राजा,
शाळेत गेलास तर देईन तुला मजा..'
शाळेत नाही गेलास तर मोठा कसा होशील,
बाबांसारखा कसा इंग्लंडला जाशील?
आपला रामागडी शाळेत नाही गेला,
म्हणून भांडी घासावी लागतात ना त्याला.
तू कोण होणार डॉक्टर का गडी ?
बाबांसारखी ऐटबाज नको का तुला गाडी ?'
मुसमुसत बोलला बाळू आमचा खुळा,
"होईन मी गडी, नको मला शाळा."