⚜️विद्याधन मराठी कोडी.... ओळखा पाहू मी कोण ?⚜️
उत्तर सूची
१] पांढरं पातेल पिवळा भात ?
उत्तर: - अंड
२] तिखट, मीठ, मसाला चार शिंग कशाला ?
उत्तर: - लवंग
३] पाटील बुवा राम राम, दाढी मिशा लांब लांब ?
उत्तर: - झाडू/केरसुणी
४] काळ्या रानात हत्ती मेला त्याचा पृष्ठभाग ऊपसून नेला ?
उत्तर: - कापूस
५] काट्याकुट्यांचा बांधला भारा, कुठं जातोस ढबुण्या पोरा ?
उत्तर: - फणस
६] कुट कुट काडी पोटात नाडी, राम जन्मला हात जोडी कृष्ण जन्मला हात जोडी ?
उत्तर: - घंटा/टाळ
७] हजार येती हजार जाती हजार बसती पारावर, अशी नार ती जोराची हजार घेती ऊरावर ?
उत्तर: - लोकलट्रेन
८] एवढीशी नन्नुबाय, सार्‍या वाटनं गीत गाय ?
उत्तर: - शिटी
९] कोकणातनं आली नार, तिचा पदर हिरवागार, तिच्या काखेला पोर ?
उत्तर: - काजू
१०] कोकणातनं आली सखी, तिच्या मानंवर दिली बुक्की, तिच्या घरभर लेकी ?
उत्तर: - लसूण
११] कोकणातनं आला भट, धर की आपट ?
उत्तर: - नारळ
१२] कांड्यावर कांडी सात कांडी, वर समुद्राची अंडी ?
उत्तर: - ज्वारीचे कणीस
१३] कोकणातनं आला रंगू कोळी, त्यानं आणली भिंगू चोळी, शिंपीण म्हणते शिवू कशी, परटीण म्हणते धुवू कशी, अन् राणी म्हणते घालू कशी ?
उत्तर: - कागद
१४] सोन्याची सुरी भुईत पुरी, वर पटकार गमजा करी ?
उत्तर: - गाजर
१५] थई थकड धा.. तीन डोकी पाय धा.?
उत्तर: - दोन बैल,नांगर आणि माणूस
१६] खण खण कुदळी, मण मण माती, इंग्रजांनी राज्य घेतले मध्यराती.
उत्तर: - घूस
१७] एव्हढिशी नार, तिचा पदर फार.
उत्तर: - खारुताई
१८] चार आले पाहुणे, चार केले घावणे, प्रत्येकाच्या तोंडात दोन दोन
उत्तर: - खाट
१९] लाल पालखी हिरवा दांडा.
उत्तर: - मिरची
२०] कोकणातनं आला भट धर की आपट
उत्तर: - नारळ
२१] घमघम घमाटा, विषाचा काटा, सोन्याच्या देवळात रुप्याच्या घंटा
उत्तर: - फणस
२२] घाटावरनं आल्या बाया, त्यांच्या सुरकुतल्या काया.
उत्तर: - खारीक
२३] लाल आहे पण रंग नाही, कृष्ण आहे पण देव नाही, आड आहे पण पाणी नाही, वाणी आहे पण दुकान नाही.
उत्तर: - लालकृष्ण अडवाणी
२४) एका बाटलीत दोन रंग, फुटली की सगळेच दंग.
उत्तर: - अंड