⚜️खाण्याचे प्रकार⚜️
खाणे जे पोटात कधीच जात नाही. खाण्याचे काही विशेष वेगळे प्रकार आहेत, जे प्रत्यक्षात आपल्या पोटापर्यंत पोचतच नाहीत,
- लहानपणी आपण रोज आई वडील आणि शिक्षकांचा मार खातो! पण आपण शहाणे असलो तर शब्दांचा खाल्लेला मार आपल्याला पुरतो.
- आपण आयुष्यभर मधून मधून इतरांचा वेळ आणि डोके खातच असतो.
- काही लोक इतरांवर खार खातात तर काही अकारण भाव खात असतात.
- काही विशेष कर्तबगार लोक तर पैसा पण खाऊ शकतात आणि त्यांचे खाणे उघडकीस आले तर लोक त्यांना, "काय माती खाल्लीस" असे म्हणतात.
- घरातली प्रेमळ बायको सोडून जे दूसरी च्या मागे लागतात, त्याला शेण खाणे म्हणतात.
- शिव्या तर आपण रोजच कुणाच्या ना कुणाच्या खात असतो. पण त्यामुळे आपला जो अपमान होतो तो मात्र खाता येत नाही. तो आणि आलेला राग दोन्ही गिळावे लागतात.
- कधी कधी मात्र उलटे होते. जी व्यक्ती अपमान करते, तिलाच तिचे शब्द गिळावे लागतात.
- काही लोक तर राग आला की दात ओठ पण खातात.
- या खाण्याच्या प्रकारात काही अभक्ष्य भक्षणाचे प्रकार पण आहेत, उदाहरणार्थ.. जीव खाणे, भेजा खाणे ई.
- बरीच माणसं नको तिथे कच खातात.
- काही लोकांच्या मृत्यू चं कारण पण खाणच असतं, पण त्याला हाय खाणं म्हणतात.
- काही लोक बोलता बोलता शब्द खातात, तर काही लोक हवा किंवा ऊन खायला बाहेर पडतात.
⚜️संकलन⚜️
श्री.बबन मोहन औटी.
पदवीधर प्राथमिक शिक्षक
babanauti16.blogspot.com
📞9421334421