⚜️सगळ्यात भारी, आमची जिल्हा परिषद शाळा...⚜️
चिऊ-काऊच्या अंगणात, आनंदाचा गल्लोळा...
सगळ्यात भारी, आमची जिल्हा परिषद शाळा!
ज्ञान मिळे आम्हा इथे, जसा अमृताचा जिव्हाळा...
सगळ्यात भारी, आमची जिल्हा परिषद शाळा! || ध्रु. ||
पाटीवरती सुबक अक्षरे, खडूने आम्ही गिरवतो,
नवे पाढे, नव्या कविता, गात गात पाठ करतो.
डिजिटल बोर्डवरती आता, अभ्यासाचा रंग आगळा...
सगळ्यात भारी, आमची जिल्हा परिषद शाळा! || १ ||
खेळायला मैदान मोठे, खो-खो आणि विटी-दांडू,
कधी लंगडी, कधी कबड्डी, जिंकून आम्हीच आणू!
गुरुजी आमचे मायेचे सागर, देती प्रेमाचा लळा...
सगळ्यात भारी, आमची जिल्हा परिषद शाळा! || २ ||
दुपारच्या त्या जेवणाची, चवच मोठी न्यारी,
खिचडी खाऊन खेळायला, आम्ही सगळेच सवंगडी भारी!
जाती-भेद काही नाही, इथे एकतेचा सोहळा...
सगळ्यात भारी, आमची जिल्हा परिषद शाळा! || ३ ||
शिकून-सवरून मोठे होऊ, देशाचे नाव गाजवू,
जि. प. च्या या शाळेचा, डंका जगात वाजवू!
हाच आमचा स्वाभिमान, हाच आमचा जिव्हाळा...
सगळ्यात भारी, आमची जिल्हा परिषद शाळा!
हो... सगळ्यात भारी, आमची जिल्हा परिषद शाळा! || ४ ||
