⚜️संयम⚜️
एकदा भगवान
श्रीकृष्‍ण,
बलराम आणि सात्‍यकी हे तिघे जंगलातून जात असताना रस्‍ता चुकले. जंगल
घनदाट होते, तेव्‍हा तिघांनीही असा निर्णय घेतला आता येथेच
एखादी सुरक्षित जागा पाहून विश्राम करायचा आणि सकाळी उठून मार्गस्‍थ व्‍हायचे.
जंगलात हिंश्र पशु असल्‍याने प्रत्‍येकाने थोडा थोडा वेळ पहारा देण्‍याचे ठरवले.
पहिली पाळी सात्‍यकीची होती. सात्‍यकी पहारा करू लागला तेव्‍हडयात झाडावरून एका
खाली उतरले व सात्‍यकीला मल्‍लयुद्धासाठी बोलावू लागले. पिशाच्‍चाने बोलावलेले
पाहून सात्‍यकीने क्रोधाने पिशाच्‍चावर हल्‍ला केला. त्‍याक्षणी पिशाच्‍च मोठा
झाला. दोघांत तुंबळ मल्‍लयुद्ध झाले. पण जेव्‍हा जेव्‍हा सात्‍यकीला क्रोध येई
तेव्‍हा तेव्‍हा पिशाच्‍चाचा आकार मोठा होई व ते सात्‍यकीला अजूनच जास्‍त जखमा करत
असे. एका प्रहरानंतर बलराम जागे झाले व त्‍यांनी सात्‍यकीला झोपण्‍यास सांगितले.
बलरामांनाही पिशाच्‍चाने मल्‍लयुद्धास निमंत्रण दिले. बलराम पण क्रोधाने पिशाच्‍चाशी
लढायला गेले तर त्‍याचा आकार हा वाढलेला त्‍यांना दिसून आला. ते जितक्‍या क्रोधाने
त्‍याला मारायला जात तितका त्‍या पिशाच्‍चाचा आकार मोठा होत असे. शेवटी तोही प्रहर
संपला व आता पहा-याची पाळी भगवान श्रीकृष्‍णाची होती. पिशाच्‍चाने मोठ्या क्रोधाने
श्रीकृष्‍णांना आव्‍हान दिले पण श्रीकृष्‍ण शांतपणे मंदस्मित करत त्‍याच्‍याकडे
पहात राहिले. पिशाच्‍च अजून संतापले व मोठमोठ्याने ओरडून श्रीकृष्‍णांना बोलावू
लागले पण श्रीकृष्‍ण मंदस्मित करत शांत भाव जपत राहिले व एक आश्‍चर्य झाले ते म्‍हणजे
जसे जसे पिशाच्‍चाला क्रोध येऊ लागला तसतसा त्‍याचा आकार लहान होत गेला. रात्र
संपत गेली अन पहाट झाली शेवटी आकार लहान होत होत पिशाच्‍चाचे एक छोटासे मांजर
झाले.
तात्‍पर्य :-
क्रोधावर संयमानेच विजय मिळविता येतो. क्रोधाला क्रोधाने मारता येऊ शकत
नाही.