⚜️तीन धूर्त आणि मूर्ख रामू⚜️
एका छोट्या गावात एक रामू नावाचा व्यक्ती राहत होता. लोंकाच्या घरी कामे करून तो स्वत:चे पोट भरीत होता. त्याच्या कामावर खुश होवून एका श्रीमंत व्यापाऱ्याने त्याला एक शेळी भेट दिली.
ती शेळी खांद्यावर उचलून घेऊन तो आनंदाने घरी निघाला. रामू घरी निघाला तेव्हा रस्त्यात तीन धूर्त चोर उभे होते. त्यांनी रामूला फसवायचे ठरवले. आपणच शेळी पळवायची असा त्यांनी विचार केला. रामूला लांबूनच येताना बघितल्यावर ते तिघेही पांगले. रस्त्यावर ठराविक अंतरावर लपून बसले.
रस्त्यात एका निर्जन स्थळी पहिला चोर एकदम रामूसमोर येउन उभा राहिला. तो म्हणाला, ' अहो तुम्ही कुत्र्याला कशाला खांद्यावर घेतले आहे? रामुने एकदा शेळी कडे पहिले प्रश्न विचारणाऱ्या माणसाकडे दुर्लक्ष केले आणि तो चालतच राहिला. थोड्या वेळाने दुसरा चोर रामूसमोर आला. त्याने विचारले, 'अहो तुम्ही गाढवाला का खांद्यावर घेतले आहे? अशीच गोष्ट तिसऱ्या चोराची. आता मात्र रामू घाबरला त्याने मनाशी विचार केला अरे शेळी आहे कि भूत ? सारखाच आकार बदलत आहे.
थोडे पुढे जाऊन रामुने शेळी रस्त्याच्या कडेला सोडून दिली आणि तो पळून गेला. तीन चोर एकत्र आले त्यांनी शेळी पकडली. तिला घरी घेऊन गेले.
तात्पर्य :- ऐकावे जनाचे करावे मनाचे.