⚜️घोडा⚜️
टपटप टपटप टाकीत टापा चाले माझा घोडा
पाठीवरती जीन मखमली पायी रुपेरी तोडा टपटप टपटप...
उंच उभारी दोन्ही कान ऐटीत वळवी मागेच मान
मध्येच केव्हा दुडकत दुडकत चाले थोडा थोडा
पाठीवरती जीन मखमली पायी रुपेरी तोडा टपटप टपटप...
घोडा माझा फार हुशार पाठीवर मी होता स्वार
नुसता त्याला पुरे इशारा कशास चाबूक ओढा
पाठीवरती जीन मखमली पायी रुपेरी तोडा टपटप टपटप...
पाच अरण्ये समुद्र सात ओलांडील हा एक दमात
आला आला माझा घोडा सोडा रस्ता सोडा
पाठीवरती जीन मखमली पायी रुपेरी तोडा टपटप टपटप...