⚜️भेटवस्तू⚜️
एके दिवशी एका ११ वर्षाच्या मुलीने आपल्या वडिलांना सहज विचारले, "बाबा तुम्ही माझ्या १५व्या वाढदिवशी कोणती भेटवस्तू देणार?" वडिल म्हणाले, "त्याला खुप वेळ आहे बेटा."
काही वर्षा नंतर १४ वर्षांची असताना अचानक ती मुलगी बेशुद्ध पडली. त्यानंतर तिला रुग्णालयात हलवण्यात आले. डॉक्टर बाहेर आले आणि तिच्या वडिलांना म्हणाले, "तुमच्या मुलीला खुप वाईट हृदय विकार आहे आणि ती काही दिवसांचीच पाहुणी आहे." रुग्णालयात असताना मुलगी तिच्या वडिलांना म्हणाली, "बाबा, डॉक्टर असे म्हणाले का, मी काही दिवसांनी मरण पावणार आहे?" वडिल म्हणाले, "नाही गं, तु १०० वर्ष जगणार आहेस." आणि अश्रू ढाळत निघाले. मुलगी म्हणाली, "तुम्ही खात्रीशीर कसं सांगू शकता?" वडिलांनी वळून सांगितले, "मला माहित आहे."
उपचार चालू असताना काही महिन्यांनी ती १५ वर्षांची झाली आणि बरी होऊन जेव्हा ती घरी आली, तेव्हा तिच्या पलंगावर एक पत्र तिला सापडले, त्यात लिहले होते, "माझे सोने, जर तु हे पत्र वाचत असशील तर माझ्या म्हटल्या प्रमाणे सर्व काही ठीक आहे. एके दिवशी तु मला विचारले होतेस की, तुम्ही माझ्या १५व्या वाढदिवशी काय भेटवस्तू द्याल? तेव्हा मला माहित नव्हते, परंतू मी तुला 'माझे हृदय' भेट म्हणुन दिले आहे." तिच्या वडिलांनी तिला अनमोल असे हृदय दान केले होते.
बोध:- आपल्या आई-वडिलांवर प्रेम करा. तुम्हाला सुखी ठेवण्यासाठी तुमच्या नकळत त्यांनी खुप त्याग केले आहेत. मोठे झाल्यावर आपण आपल्या कामात एवढे व्यस्त होतो की, आपले आपल्या पालकांकडे दुर्लक्ष होते. त्यांच्या सहवासात तुमचा पुरेसा वेळ घालवा. त्यांना नेहमी काळजीपुर्वक प्रेमाने वागणूक द्या.