⚜️विद्याधन दैनिक प्रश्न मंजुषा दिवस 173वा⚜️
जीवनात यशस्वी होण्यासाठी योग्य असे संस्कार बालवयापासून होणे गरजेचे असतात. चांगले काय? आणि वाईट काय? याची जाण लहान बालकांना नसते. बालवयात हळूवार, प्रेमाने, हसतखेळत आनंददायी वातावरणात त्यांच्या नकळत वाढत्या वयाबरोबर त्यांना चांगल्या सवयी लावाव्या लागतात. या सवयी म्हणजेच संस्कार.
"विद्याधन दैनिक प्रश्न मंजुषा" या उपक्रमांतर्गत रोज संस्कार व मूल्यशिक्षण या विषयाशी निगडीत सहा प्रश्न मिळतील. त्या प्रश्नांची उत्तरे शोधावीत. उत्तरे पाहण्यासाठी दुसऱ्या दिवशी लिंक दिली जाईल. त्यावर जाऊन उत्तरे पहावीत..
आजचे प्रश्न.
- जर तुला एखाद्या प्रश्नाचे उत्तर नाही आले तर तू काय करशील?
- तू फुलकोबीची पाने खातो का?
- असं कोणतं वाद्य आहे ज्याला खूप सारे बटण असतात आणि आपण त्या बटनांना दाबल्यावर त्यामधून आवाज येतो?
- तुमच्या नाकातील दोन छिद्रांना तुम्ही काय म्हणता?
- बोगद्यामधून धावणाऱ्या रेल्वेमार्गाला काय म्हणतात?
- बाहेरच्या तळलेल्या वस्तू खाणे, चांगले की वाईट?
उत्तरसूचीसाठी खालील चिन्हावर क्लिक करा.
⚜️संकलन व निर्मिती⚜️
श्री. बबन मोहन औटी.
पदवीधर प्राथमिक शिक्षक
जिल्हा परिषद प्राथमिक शाळा हिवरेबाजार
ता. जि. अहिल्यानगर